من معماري لـ معلّم كريبتو.

ليش بعمل هالشي

بالأول كان الكريبتو كرمال البقاء: أحمي مدخراتي من التضخم لما البنوك جمّدت أموال الناس. هالتجربة غيّرت اتجاه حياتي.

سنة 2021 انضممت لبرنامج Binance Angels. اللي بلّش تطوّع صار مهنة: ندوات وجلسات AMA أسبوعية لمجتمع المنطقة، فعاليات، وورش عمل بجامعات منها LAU و AUB.

وعلى الطريق شفت الوجه التاني للكريبتو: ناس عم تخسر أموالها باحتيال، شبكات غلط وحسابات مجمّدة، وما في حدا صادق يلجأولو. لهيك، جنب التعليم، صرت ساعد الناس يرجّعوا الوصول، يتتبّعوا الأموال ويأمّنوا اللي عندهم.